OV Tributaria é o sistema de informacion e servizos que a Axencia Tributaria de Galicia (Atriga) pon á disposición da cidadanía co obxectivo de achegar uns servizos públicos máis eficientes, seguros, accesibles e innovadores, aproveitando e explotando as posibilidades que a tecnoloxía ofrece. 

Con este sistema preténdese reflectir o compromiso da Atriga coa atención ao cidadán e a mellora da calidade dos servizos públicos no ámbito da súa competencia.

Titularidade

A titularidade e, polo tanto, a información e servizos publicados en OV Tributaria correspóndelle á Atriga no ámbito e exercicio das súas competencias.

OV Tributaria é o nome do sistema de información e servizos responsabilidade da Axencia Tributaria de Galicia e, polo tanto, de elaborar e manter actualizada a relación da información e servizos que se poñen a disposición da cidadanía e dos empregados/as públicos/as.

Mentres, a súa xestión tecnolóxica correspóndelle á Axencia para a Modernización Tecnolóxica de Galicia (Amtega) - órgano con competencias xerais en materia de desenvolvemento de proxectos e aplicacións informáticas, a súa xestión, planificación, supervisión, asesoramento e coordinación, así como a subministración dos equipos necesarios para levar a cabo os procesos informáticos da Xunta de Galicia - incluíndo a implantación e mantemento da súa infraestrutura tecnolóxica e de seguridade.

A data e hora oficiais de OV Tributaria correspóndense coa data e hora legais do Real Instituto e Observatorio da Armada (ROA), de acordo co artigo 15.2 do Real Decreto 4/2010, de 8 de xaneiro, polo que se regula o Esquema Nacional de Interoperabilidad no ámbito da Administración Electrónica. 

Para calquera trámite que se realice en OV Tributaria, será a data e hora oficiais nomeadas anteriormente, e non as do equipo dende o cal se efectúa o trámite, as que teñen validez legal.

O cómputo de prazos considerados inhábiles en OV Tributaria réxese de acordo co calendario oficial de festas da Xunta de Galicia que pode ser consultado aquí.

Normativa de carácter estatal

• Lei 39/2015, do 1 de outubro, do Procedemento Administrativo Común das Administracións Públicas.
• Lei 40/2015, do 1 de outubro, de Réximen Xurídico do Sector Público.
• Real Decreto 311/2022, do 3 de maio, polo que se regula o Esquema Nacional de Seguridade.
• Real Decreto 4/2010, do 8 de xaneiro, polo que se regula o Esquema Nacional de Interoperabilidade no ámbito da Administración Electrónica.
• Lei Orgánica 3/2018, do 5 de decembro, de Protección de Datos Persoais e garantía dos dereitos dixitais.
• Real Decreto 1720/2007, do 21 de decembro, polo que se aproba o Regulamento de desenvolvemento da Lei Orgánica 15/1999, de 13 de decembro, de protección de datos de carácter persoal.
• Lei 6/2020, do 11 de novembro, reguladora de determinados aspectos dos servizos electrónicos de confianza.
• Real Decreto 1494/2007, do 12 de novembro, polo que se aproba o Regulamento sobre as condicións básicas para o acceso das persoas con discapacidade ás tecnoloxías, produtos e servizos relacionados coa sociedade da información e medios de comunicación social.
• Resolución de 29 de novembro de 2012, da Secretaría de Estado de Administracións Públicas, pola que se publica o Acordo de aprobación da Política de Sinatura Electrónica e de Certificados da Administración Xeral do Estado e se anuncia a súa publicación na sede correspondente.

Normativa de carácter autonómico

• Lei 4/2019, do 17 de xullo, de administración dixital de Galicia.
• Orde do 15 de setembro de 2011 pola que se aproba a posta en funcionamento da sede electrónica da Xunta de Galicia.
• Decreto 191/2011, do 22 de setembro, de organización e funcionamento dos rexistros da Administración xeral e das entidades públicas instrumentais da Comunidade Autónoma de Galicia.
• Resolución do 25 de febreiro de 2014 pola que se aproba a política de sinatura electrónica e de certificados da Administración xeral e do sector público autonómico de Galicia.