Estrutura de contidos e servizos

A páxina de inicio de OV Tributaria é dende a que se accede aos servizos e contidos publicados pola Atriga. Para facilitar a experiencia do usuario a información e servizos vaise amosar sobre a mesma páxina co que nunca vai perder o contexto da súa navegación.

Por este motivo todas as páxinas van ter unha estrutura similar:

• 1. Cabeceira. Nesta sección móstrase o logotipo da Oficina Virtual Tributaria, a opción para cambiar o idioma, a data e hora actual e o botón "O meu Espazo", desde o cal o usuario pode iniciar sesión no portal.

• 2. Navegación global. Corresponde ao menú principal do portal. Aquí atópanse os apartados "A OVT", "Trámites" e "Axuda", así como unha icona de lupa que permite realizar procuras de trámites.

• 3. Espazo central. Área principal da páxina, onde se mostran os trámites destacados e un buscador que facilita a súa localización.

• 4. Ligazóns de interese. Bloque con ligazóns relevantes, como "Axúdanos a mellorar" (formulario de suxestións), "Que é a OV Tributaria" e "Sobre a ATRIGA" (ligazón ao portal de ATRIGA).

• 5. Pé de páxina. Zona inferior da web con información corporativa da Oficina Virtual Tributaria e ligazóns de interese adicionais.

Durante a navegación do usuario é posible que se abran contidos ou servizos en novas ventás ou lapelas: ben polo acceso ao servizo específico que demanda o usuario ou ben a portais de terceiros para ampliar a información que se amosa.

Como acceder aos servizos electrónicos

O acceso aos servizos publicados en OV Tributaria pódese facer de catro xeitos diferentes:

• 1.Mediante o menú principal, onde os servizos atópanse agrupados por categorías

• 2.Mediante o buscador localizado no menú principal en forma de lupa e na home do portal

• 3.Mediante os trámites destacados situados na home

• 4.Mediante o localizador de trámites por parámetros situado na parte inferior da páxina.

Para verificar a validez dos certificados do portal de OV Tributaria e, polo tanto, garantir a súa autenticidade, podes empregar a plataforma Valide que o Ministerio da Presidencia ten dispoñible para tal fin.

Dende este portal poderás validar, inserindo a ligazón https://ovt.atriga.gal no correspondente cadro, que tes o certificado axeitado para operar en OV Tributaria.

Que me ofrece OV Tributaria?

A través de OV Tributaria, calquera cidadán poderá empregar distintos servizos de tramitación (pago de taxas, xestión de impostos, simulacións...), consultar a información dispoñible sobre os mesmos ou xestionar os datos que sobre él se gardan na Axencia Tributaria de Galicia.

Quen pode empregar OV Tributaria?

Calquera persoa. O único requirimento para realizar trámites ou empregar os servizos é ser maior de idade e, naqueles que o requiran, posuir un certificado dixital.

Que é o Meu espazo?

O Meu espazo, que só é accesible identificándose mediante un certificado dixital ou Chave365, é a zona personalizada na que o usuario poderá gardar aqueles accesos aos servizos que emprega con máis frecuencia, así coma información actualizada do estado no que están os trámites que ten abertos na Atriga.

Que e un trámite electrónico?

Un trámite electrónico consiste na realización dunha xestión coa Atriga empregando un servizo público electrónico daqueles dispoñibles en OV Tributaria.

Teñen a mesma validez as xestións realizadas en OV Tributaria que de xeito presencial?

Si. Teñen a mesma validez os trámites realizados a través de OV Tributaria que aqueles que son feitos de xeito presencial.

Que é un certificado dixital?

Un certificado dixital é un documento electrónico con funcións equivalentes a un documento oficial de identidade, e que serve para dar validez legal ás transaccións electrónicas que pode realizar calquera cidadán. É necesario para moitos dos servizos de Administración electrónica. Vai incorporado no DNI electrónico pero tamén pódese obter a través das entidades emisoras como a entidade de certificación das Cámaras de Comercio e a Fábrica Nacional de Moeda e Timbre.

Onde poido conseguir un certificado dixital?

O DNI electrónico xa leva incorporado un certificado electrónico. Tamén podes obter un certificado dirixíndose a calquera das autoridades certificadoras recoñecidas e que pode ser consultadas no Portal de Administración Electrónica.

É seguro empregar os servizos de OV Tributaria?

Calquera comunicación entre o usuario e a Axencia Tributaria realizada en OV Tributaria é segura. Toda a información que se comparte viaxa cifrada e os certificados dixitais garanten a identidade de ambas partes. Igualmente os datos persoais están cifrados e son almacenados na Atriga con total seguridade e confidencialidade cumprindo cos requirimentos da Lei Orgánica de Protección de Datos de Carácter Persoal.

 

Os servizos que publica a Axencia Tributaria en OV Tributaria teñen, ademais do acceso ao propio servizo, información en detalle para que o usuario coñeza en que consiste, para que sirve ou baixo que normativa é empregado.

Toda esta información preséntase nunha ficha estruturada que, na maioría dos casos, está composta por:

• Descrición do servizo. No que se explique de xeito breve en que consiste o servizo ou o trámite do mesmo.
• Tramitación. No que se informa de a quen afecta ou quen ten obriga de realizar a tramitación.
• Normativa. Listaxe de normativa que regula o servizo que se está presentando ao usuario.
• Axuda. No que se presenta información de utilidade para o usuario co obxectivo de que non teña ningún problema á hora de empregar o servizo.

Ademais, e unicamente para usuarios identificados por certificado dixital, amosarase un Engadir a favoritos para que poida dispoñer do seu acceso dende o seu espazo personalizado.