Os obrigados tributarios teñen dereito a ser informados dos valores dos bens inmobles que vaian a ser obxecto de adquisición ou transmisión, conforme ao artigo 34 letra n) da Lei 58/2003, de 17 de decembro, xeral tributaria.

A partir do 1 de xaneiro de 2022 a Axencia Tributaria de Galicia só emitirá valoracións de bens inmobles previas ás autoliquidacións dos impostos de Sucesións e Doazóns e Transmisións e Actos Xurídicos Documentados en caso de inexistencia do valor de referencia previsto na normativa reguladora do catastro inmobiliario ou por non poder ser certificado o devandito valor pola Dirección Xeral do Catastro.

No caso de bens inmobles que á data de realización do feito impoñible conten co valor de referencia previsto na normativa reguladora do catastro inmobiliario (a partir de 1 de xaneiro de 2022), a valoración obtida por este sistema ou polo sistema presencial,  non terá efecto algún.

Para obter información con carácter previo á adquisición ou transmisión de bens inmobles situados na Comunidade Autónoma de Galicia, para os efectos dos impostos de sucesións e doazóns, e transmisións patrimoniais onerosas e actos xurídicos documentados, establécense dous sistemas:

1. Sistema Web: se polas características do ben está dentro do ámbito de aplicación da Orde pola que se desenvolve o medio de comprobación de valores de prezos medios aplicables a determinados inmobles rústicos e urbanos situados na Comunidade Autónoma de Galicia e se aproban os prezos medios no mercado aplicables no exercicio, ditada ao abeiro do artigo 57.1 c) da Lei 58/2003, do 17 de decembro, Xeneral Tributaria, ten á súa disposición unha ferramenta adaptada a esta na Oficina Virtual Tributaria da Axencia Tributaria de Galicia na súa modalidade de servizos de acceso libre. Recoméndase achegar coa autoliquidación do imposto a impresión de valoración obtida a través da páxina web.
   NOTA: Recorde que de acordo co establecido no artigo 134.1 da Lei 58/2003, de 17 de decembro, xeral tributaria, a Administración tributaria non procederá á comprobación de valores se os obrigados tributarios declararon utilizando os valores resultantes da correcta aplicación desta orden. Isto non impedirá a comprobación dos elementos de feito e circunstancias manifestados polo obrigado tributario.
2. Sistema presencial: no caso de que se trate de bens excluídos do ámbito de aplicación da Orde antes citada ou en virtude do disposto no artigo 90 da Lei xeral tributaria, vostede desexa solicitar a valoración poderá facelo dirixíndose á unidade de valoración da Axencia Tributaria de Galicia que sexa competente segundo a situación do ben. A devandita solicitude deberá facela empregando os formularios que ten á súa disposición na páxina web da Axencia Tributaria de Galicia. As valoracións previas solicitadas ao abeiro do artigo 90 da Lei Xeral Tributaria terán efectos vinculantes durante un prazo de tres meses, contados dende a notificación ao interesado, sempre que a solicitude se formulase con carácter previo á finalización do prazo para presentar a correspondente autoliquidación ou declaración e se proporcionasen datos verdadeiros e suficientes á Administración tributaria. Para estes efectos presentarase acompañando á autoliquidación, o informe emitido polos servizos de valoracións (sistema presencial).

Así mesmo debe achegarse o xustificante de pagamento da taxa (Modelo A. Autoliquidación de taxas) correspondente, segundo o disposto no artigo 26 do Decreto Lexislativo 1/2011, do 28 de xullo, polo que se aproba o texto refundido das disposicións legais da Comunidade Autónoma de Galicia en materia de tributos cedidos polo Estado.

Acceder ó servizo de Pago telemático de taxas e prezos.

Poderá consultar a normativa tributaria asociada a este imposto na web da Axencia Tributaria de Galicia

Para atender calquera cuestión sobre o servizo pregámoslle prema no seguinte enlace: Atendémolo

O artigo 57 da Lei 58/2003, de 17 de decembro, xeral tributaria, establece como un dos medios para a comprobación de valores o de prezos medios no mercado, que foi considerado como idóneo para a comprobación de valores dos medios privados de transporte, aprobándose para cada exercicio unha Orde do Ministerio de Hacienda y Administraciones Públicas na que se recollen os prezos no mercado dos vehículos de turismo, vehículos todo terreo, motocicletas e embarcacións de recreo.

Este servizo está dispoñible todo o ano.
Para realizar a valoración deberá completar os datos de tipo de vehículo, datas de devindicación e matriculación, marca, modelo e características técnicas. O valor fiscal do vehículo calcularase segundo as táboas que anualmente aproba o Ministerio de Facenda.
Se desexa gardar a valoración deberá cumprimentar o NIF do suxeito pasivo, matrícula do vehículo e número de bastidor. Isto permitiralle consultala ou reimprimirla en calquera momento así como utilizala, mentres se atope vixente, na declaración dos impostos de Transmisións Patrimoniais e Actos Xurídicos Documentados, e Sucesións e de Doazóns.

Poderá consultar a normativa tributaria asociada a este imposto na web da Axencia Tributaria de Galicia

Para atender calquera cuestión sobre o servizo pregámoslle prema no seguinte enlace: Atendémolo

Este servizo permítelle verificar o contido dos cartóns de bingo emitidos electrónicamente pola ATRIGA ás salas de bingo da Comunidade Autónoma de Galicia.

Este servizo está dispoñible todo o ano.
Para a verificación deberá encher os datos identificativos impresos no cartón a comprobar xunto co código seguro de verificación (CSV).
Se dispón dun lector de códigos de barras poderá utilizalo para introducir directamente o valor CSV situando previamente o cursor no campo asociado.
Se o código é correcto, amosaráselle un resumo do cartón: nome da sala de bingo á que pertence o cartón, data e hora de emisión do cartón.

Para atender calquera cuestión sobre o servizo pregámoslle prema no seguinte enlace: Atendémolo

O Código Seguro de Verificación (CSV) é un código alfanumérico que identifica de forma única un documento emitido pola oficina virtual da Axencia Tributaria de Galicia e permite verificar a autenticidade e integridade dun documento impreso en papel mediante o cotexo co documento electrónico orixinal. Para isto, vostede poderá introducir o CSV no formulario do servizo de verificación e obter o documento electrónico orixinal do portal da Axencia Tributaria de Galicia.

Este servizo está dispoñible todo o ano.

Para comprobar a validez dun documento deberá introducir o código seguro de verificación que figura impreso no apartado do selo do documento, ao pé do mesmo.

Se dispón dun lector de códigos de barras poderá utilizalo para introducir directamente a información no campo correspondente.

Se o código é correcto, mostraráselle un resumo do documento contendo: 

• Tipo de documento (xustificante de presentación dun imposto, un certificado de débedas, etc.)
• Expediente, autoliquidación, certificado, etc, co que está relacionado o documento.
• Emisor do documento, data e hora de emisión e, se procede, a súa validez en días.

Poderá obter unha copia do mesmo pulsando no gráfico da parte superior dereita da pantalla.

Para atender calquera cuestión sobre o servizo pregámoslle prema no seguinte enlace: Atendémolo

Este servicio permite calcular o prazo legal existente para a presentación dun tributo dada a súa data de devindicación.
No resultado do cálculo amosarase o último día no que é posible a presentación e a descrición do prazo legal.
 

Non ten tramitación

Os prazos de presentación regúlanse na normativa aplicable a cada un dos tributos.
Poderá consultar a normativa tributaria de cada tributo na páxina web da Axencia Tributaria de Galicia

Para atender calquera cuestión sobre o servizo pregámoslle prema no seguinte enlace: Atendémolo

Este servizo permite calcular os xuros aplicables nun determinado período a efectos tributarios.

Existen dous tipos de xuros:

 - Demora: é o xuro a favor da administración como consecuencia da realización dun pago fora de prazo ou da presentación dunha autoliquidación ou declaración da que resulte unha cantidade a ingresar unha vez finalizado o prazo establecido o efecto da normativa tributaria, do cobro dunha devolución improcedente ou no resto de casos previstos na normativa tributaria (art.26 LXT).

Tamén é o xuro que aboará a Administración tributaria coa devolución de ingresos indebidos (art. 32.2 LXT)

- Legal: O interese legal do diñeiro será o que se esixa nos supostos de aprazamento, fraccionamento ou suspensión de débedas garantidas na súa totalidade mediante aval solidario de entidade de crédito ou sociedade de garantía recíproca ou mediante certificado de seguro de caución (art. 26.6 LXT).

Tamén é o xuro que se aboa nos casos de reembolso dos custos de garantía que regula o artigo 33 da LXT

Non ten tramitación

Os xuros de demora están regulados no artigo 26 da Lei 58/2003, do 17 de decembro, Xeral Tributaria onde se indica que o xuro de demora será o xuro legal do diñeiro vixente ao longo do período no que aquel resulte esixible, incrementado nun 25 por 100, salvo que a Lei de Orzamentos Xerais do Estado estableza outro diferente.

A Lei 24/1984, do 29 de xuño, sobre modificación do tipo de xuro legal do diñeiro establece no seu artigo primeiro que o xuro legal do diñeiro determinarase na Lei de Orzamentos Xerais do Estado.

Para atender calquera cuestión sobre o servizo pregámoslle prema no seguinte enlace: Atendémolo

Este servizo permite ó usuario realizar as seguintes tarefas:

• Descargar a aplicación ALISe.
• Obter información sobre a descarga, instalación e migración de versións anteriores.

Descarga do manual de usuario.

Non ten tramitación

Para atender calquera cuestión sobre o servizo pregámoslle prema no seguinte enlace: Atendémolo

Este servizo ofrécelle información detallada das posibilidades de pagamento segundo a modalidade de acceso á Oficina Virtual Tributaria e o tipo de débeda a pagar.

Este servizo está dispoñible todo o ano.
Trátase dunha consulta selectiva das posibilidades para realizar o pagamento (presencial NRC, cargo en conta ou tarxeta) segundo o tipo de débeda e a modalidade de acceso á Oficina Virtual Tributaria:

• Acceso libre
• Acceso con certificado (Persoa física)
• Acceso con certificado (Persoa xurídica)

Para atender calquera cuestión sobre o servizo pregámoslle prema no seguinte enlace: Atendémolo

Este servizo ofrécelle información de contacto das oficinas onde se pode presentar a documentación relativa a expedientes tributarios.

Este servizo está dispoñible todo o ano.
Trátase dunha consulta selectiva dos posibles lugares onde presentar a documentación relativa a expedientes tributarios.
A consulta permite o filtro por Delegación territorial: A Coruña, Lugo, Ourense, Pontevedra e Vigo e facilita o enderezo e teléfonos de cada oficina.

Para atender calquera cuestión sobre o servizo pregámoslle prema no seguinte enlace: Atendémolo

Este servizo ofrécelle información detallada dos días festivos autonómicos/locais por provincia, delegación e oficina.

Este servizo está dispoñible todo o ano.
Para realizar a consulta deberá seleccionar a provincia e seguidamente a delegación/ofcina xunto co ano e mes a consultar.
Como resultado obterá remarcados os festivos autonómicos e locais para o ano e mes elixido da provincia e delegación/oficina seleccionada.

Para atender calquera cuestión sobre o servizo pregámoslle prema no seguinte enlace: Atendémolo