Este servizo permítelle a consulta dos seus datos persoais e a modificación da súa dirección de notificación.
ADVERTENCIA: Se o que desexa é modificar o seu domicilio fiscal deberá vostede acudir á Axencia Estatal de Administración Tributaria (AEAT).

O servizo está dispoñible todo o ano.
Para o rexistro inicial de datos persoais ou modificación da dirección de notificación, deberá dispoñer de certificado dixital.
Se aprecia algún erro no seu nome e apelidos, pode modificalos nas oficinas xestoras da Axencia Tributaria de Galicia, achegando a documentación xustificativa correspondente.

Para atender calquera cuestión sobre o servizo pregámoslle prema no seguinte enlace: Atendémolo

Este servizo permite, facilitando un número de teléfono móbil e/ou enderezo de correo electrónico, crear e xestionar as subscricións a un sistema de avisos sobre asuntos tributarios do seu interese.

Este servizo está dispoñible todo o ano.
Para acceder ao mesmo deberá acceder con certificado dixital.
Con este servizo poderá crear e xestionar as subscricións aos avisos sobre os asuntos tributarios que estean dispoñibles.
Para altas novas, deberá escoller o tipo de servizo e encher os campos obrigatorios segundo os medios de envío dispoñibles (SMS ou correo electrónico) e confirmar a alta da subscrición.
Para modificar unha subscrición, deberá seleccionala e modificar os datos que estime convenientes e confirmar a modificación.
Para darse de baixa dunha subscrición activa, deberá seleccionala e confirmar a baixa.

Para atender calquera cuestión sobre o servizo pregámoslle prema no seguinte enlace: Atendémolo

Este servizo permítelle crear, xestionar e consultar as autorizacións  asociadas ao NIF para realizar trámites perante a ATRIGA.

Este servizo está dispoñible todo o ano.
As posibles accións están en función do estado da autorización e o rol que se desempeñe: Representado ou Representante.
Como REPRESENTADO poderá:

• Crear novas autorizacións
• Modificar ou anular autorizacións pendentes de aceptar
• Revocar autorizacións aceptadas
• Imprimir un xustificante dunha autorización aceptada ou revocada

Como REPRESENTANTE poderá:

• Aceptar ou rechazar unha autorización pendente de aceptar
• Revocar autorizacións aceptadas
• Imprimir un xustificante dunha autorización aceptada ou revocada

Observacións:

1. Se o representante non está previamente rexistrado como autorizado perante a ATRIGA non poderá xestionar telematicamente a autorización.
2. Nun período determinado e para un mesmo trámite, o Representado só poderá autorizar a un único Representante.
    

Guía de usuario para a creación de representación de terceiros

Para atender calquera cuestión sobre o servizo pregámoslle prema na seguinte ligazón

Atendémolo

Este servizo permítelle o pago de débedas pendentes no ámbito da Comunidade Autónoma de Galicia mediante transferencia bancaria desde unha conta aberta nunha entidade que non sexa colaboradora na recadación con esta Administración.

Poderá tamén consultar unha solicitude vixente non rematada ou que non se completase correctamente no caso dunha solicitude de transferencia de multas e sancións.

Ademais poderá obter o xustificante de pago por transferencia cando esta sexa validada e efectiva.

O servizo está dispoñible todo o ano.

Poderanse pagar mediante transferencia bancaria os documentos de pago correspondentes aos modelos de autoliquidacións con recoñecemento de débeda, 707 (para liquidacións e autoliquidacións), os modelos 708 (para prazos de aprazamento/fraccionamento e liquidacións), 731 (taxas, prezos) e os modelos 710 (para providencias de constrinximento), dos que deberá dispoñer con carácter previo, tanto con certificado dixital, con chave365, como mediante acceso libre.

Para realizar o ingreso dunha carta de pago de multas ou sancións deberá iniciarse o dito pago a través do servizo "Pago telemático de multas e sancións".

Para poder realizar o pago mediante transferencia bancaria a unha conta da Administración deberase obter, con carácter previo, un "Código de Pago por Transferencia" (en diante CPT) que se relaciona univocamente co documento que se pretende pagar, e cos datos do mesmo e terá unha validez de dez días naturais.

Introducidos os datos do documento na pantalla, así como os datos da conta bancaria de orixe, o programa validará que se cumpren as condicións para que se utilice esta vía de pago e xerarase un documento no que se incluirá o CPT, a conta destinataria da transferencia e as condicións e requisitos desta vía de pago. Unha vez obtido o CPT, este deberá incluírse obrigatoriamente de forma completa e exacta no concepto de transferencia ao ser ordenada esta. Non debe incluírse outra información adicional ao citado código.

Unha vez validadas as transferencias recibidas o obrigado ao pagamento poderá obter o correspondente xustificante de pagamento cubrindo na pantalla os mesmos datos introducidos inicialmente. Sairá un aviso indicando que a operación xa está pagada e que pode obter o correspondente xustificante. Se considerará que o ingreso se produce na data en que tivese entrada o importe correspondente na conta restrinxida de recadación designada para tal efecto.

Para atender calquera cuestión sobre o servizo pregámoslle prema no seguinte enlace: Atendémolo

Este servizo permite aos interesados consultar e xestionar as domiciliacións previamente ordenadas ó tempo de efectuar a presentación da autoliquidación.

Segundo o estado da domiciliación, as operación permitidas son:

•    Modificación da conta de domiciliación.
•    Revogación de ordes de domiciliación. Neste caso, se se desexa, pódese realizar o pago do importe revogado.
•    Rehabilitación de ordes de domiciliación previamente revogadas.

Calquera destas operacións deberá realizarse antes dos últimos 5 días hábiles do prazo de presentación establecido na normativa reguladora de cada tributo, con excepción do pago do importe revogado, o cal se poderá realizar ata o último día do prazo de presentación establecido na normativa reguladora de cada tributo.

No caso de ter domiciliado o importe da autoliquidación nunha entidade non colaboradora establecida dentro da Zona SEPA, a través deste servizo poderá obter o xustificante de pago unha vez realizado o cargo na conta de domiciliación e incorporados os ingresos.

O servizo está dispoñible todo o ano. Para acceder ao Servizo de Xestión de domiciliacións será necesario dispoñer de certificado dixital.

Para obter o xustificante de pago por domiciliación SEPA non será necesario dispoñer de certificado dixital. Deberá introducir o NIF, a data de ingreso, o importe e, no caso de ter varias domiciliacións cos mesmos datos, o ID do mandato.

Unha vez realizado o cargo na conta de domiciliación e incorporados os ingresos, mostraranse os datos asociados ao mesmo e poderá descargar o xustificante de pago.

Versión consolidada da ORDE do 21 de xuño de 2006 pola que se regulan procedementos de xestión recadatoria e a actuación das entidades colaboradoras.

Versión consolidada da ORDE do 10 de decembro de 2019 pola que se establecen o procedemento e as condicións para a domiciliación do pago de determinadas débedas cuxa xestión ten atribuída a Axencia Tributaria de Galicia.

Guía de usuario de autoxestión de domiciliacións

Para atender calquera cuestión sobre o servizo pregámoslle prema no seguinte enlace

Atendémolo

Este servizo permítelle a obtención dun xustificante de pago cando a débeda sexa ingresada mediante xiro postal a través da Sociedad Estatal Correos y Telégrafos, S.A., S.M.E.

O servizo está dispoñible todo o ano.

Para acceder ao mesmo non será necesario dispoñer de certificado dixital.

Para obter o xustificante de pago deberá introducir o número de xustificante, o NIF, a data de ingreso e o importe.

Comprobado o ingreso mostraranse os datos asociados ao mesmo e poderá descargar o xustificante de pago.

Para atender calquera cuestión sobre o servizo pregámoslle prema no seguinte enlace: Atendémolo

Este servizo permítelle as entidades ou empresas pagadoras que recibiron unha dilixencia de embargo de soldos, salarios ou pensións dar resposta á antedita dilixencia e facer o pago correspondente.

O servizo está dispoñible todo o ano.

Poderá, unha vez recibida unha dilixencia de embargo de soldos, salarios ou pensións, e previa a súa identificación,  contestar á mesma cubrindo o formulario proposto pola aplicación. Da resposta realizada poderá obter o oportuno resgardo.

Poderá ademais realizar o pago correspondente despois de aplicar, se corresponde, á nómina ou pensión da persoa afectada polo embargo a retención do importe correspondente ata cubrir o importe da débeda.

Guía de usuario de xestión de embargos

Para atender calquera cuestión sobre o servizo pregámoslle prema na seguinte ligazón

Atendémolo