Este servizo require certificado dixital ou DNI electrónico e permite asociar documentación ás autoliquidacións e recursos presentados pola Oficina Virtual da Atriga, así como atender a requirimentos e formular alegacións sempre que o documento notificado pola administración conte con Código Seguro de Verificación (CSV).  

Nota: Se o documento notificado non conta CSV poderá atender a requirimentos e formular alegacións polo modelo PR004A da Sede electrónica dá Xunta de Galicia, sen prexuízo dos demais medios establecidos no artigo 16.4 da Lei 39/2015, do 1 de outubro, de procedemento administrativo común das administracións públicas. 

Non se poderán presentar por este servizo, entre outros, as alegacións nos procedementos de devolución de ingresos indebidos, de compensación, de afección e retención de bens, de reembolso de custo de garantías, de nulidade de pleno dereito, de revogación e calquera outro trámite cuxo documento notificado pola Atriga non conta con  CSV.

As presentacións de documentación realizadas por este servizo, excepto a de documentación asociada ás autoliquidacións, xeran un xustificante de presentación no que se indica o número de entrada no Rexistro Electrónico Xeral da Xunta de Galicia, así como a data e hora da presentación.

Guía de usuario da presentación de alegacións

Guía de usuario da presentación de documentación requirida

Guía de usuario da presentación de documentación asociada aos recursos presentados de xeito telemático

Guía de usuario da presentación de documentación asociada á presentación de impostos

Para atender calquera cuestión sobre o servizo pregámoslle prema na seguinte ligazón

Atendémolo

Este servizo permítelle a presentación dun recurso contra un obxecto recurrible (liquidación/providencia) previamente xestionado pola ATRIGA, coa excepción das liquidacións derivadas dun procedemento inspector, en cuxo caso, o recurso non se pode presentar por esta vía, podendo utilizar o modelo PR004A da Sede electrónica da Xunta de Galicia, sen prexuízo dos demais medios establecidos no artigo 16.4 da Lei 39/2015, do 1 de outubro, de procedemento administrativo común das administracións públicas.

Para presentar un recurso en nome dun terceiro é necesario que o presentador ostente a representación do interesado e así conste na base de datos da Atriga. Dita representación pódese outorgar mediante a OVT, a través do servizo "Representación de Terceiros" sendo necesario que tanto o representado como o representante conten con certificado dixital. O interesado (representado) debe acceder a dito servizo e dar de alta a representación a favor do representante, debendo este posteriormente entrar tamén co seu propio certificado no apartado "Representación de Terceiros" e aceptar a representación outorgada. A partir dese momento o representante xa pode presentar o recurso de reposición ou a taxación pericial contraditoria pola OVT.

Este servizo está dispoñible todo o ano.
Para a presentación dun recurso deberá encher os datos obxecto do recurso e consultar. Posteriormente, deberá encher os datos das alegacións que desexe incorporar para a interposición do recurso.

Guía de usuario da presentación de documentación asociada aos recursos presentados de xeito telemático

Para atender calquera cuestión sobre o servizo pregámoslle prema na seguinte ligazón

Atendémolo

Este servizo permítelle efectuar os seguintes trámites de forma telemática así como achegar a documentación necesaria en cada caso:

- Presentar unha solicitude de aprazamento ou fraccionamento dunha débeda cuxo cobro lle corresponda á Atriga  que se atope tanto en período voluntario de pago como en período executivo.

- Presentar unha solicitude de compensación de débedas cuxo cobro lle corresponda á Atriga que se atopen tanto en período voluntario de pago como en período executivo, sempre que o debedor/a teña créditos recoñecidos por esta.

- Presentar unha solicitude para reclamar a devolución dun importe ingresado indebidamente na Atriga, entre outros casos, por unha duplicidade no pago, por terse feito despois de prescribir a débeda, por haber ingresado un importe superior ó da débeda ou por haberse anulado esta.

- Presentar unha solicitude para prorrogar ou suspender o prazo de presentación do Imposto sobre Sucesións, sempre e cando se cumpran os requisitos previstos nos artigos 68 e 69, respectivamente, do Regulamento do Imposto sobre Sucesións e Doazóns aprobado polo Real Decreto 1629/1991, do 8 de novembro de 1991.

As presentacións de solicitudes realizadas por este servizo xeran un xustificante de presentación no que se indica o número de entrada no Rexistro Electrónico Xeral da Xunta de Galicia, así como a data e hora da presentación.

Guía de usuario da solicitude de aprazamento/fraccionamento de débedas

Guía de usuario da solicitude de compensación de débedas

Guía de usuario da solicitude de devolución de ingresos indebidos

Guía de usuario da solicitude de prórroga e suspensión de sucesións

Para atender calquera cuestión sobre o servizo pregámoslle prema na seguinte ligazón

Atendémolo