Dispoñibilidade horaria

Entre as 00:00h e as 3:00h a oficina virtual, así como os servizos similares que utiliza desde a aplicación móbil Atriga, poden non estar dispoñibles debido á realización programada de tarefas técnicas.

Ademais, os trámites que requiran de pagos telemáticos están suxeitos á dispoñibilidade horaria que proporcionan as entidades bancarias colaboradoras. Pode consultar a relación de entidades bancarias e o horario das súas plataformas de pago nesta ligazón.

Como acceder cun perfil autorizado: colaboradores sociais e usuarios autorizados

Pode consultar como acceder a OV Tributaria cun perfil autorizado nesta ligazón.

Requisitos para acceder

Para acceder á OV Tributaria necesita un navegador convenientemente actualizado e unha resolución de pantalla recomendada de 1024x768 píxeles.

Tamén pode ser necesario:

• Ter instalado o visor Acrobat Reader (versión 8.0 ou superior) para poder visualizar e encher correctamente os documentos en formato PDF.
• Se fose necesario achegar algún documento, este deberá axustarse aos formatos .pdf, .jpg ou .jpeg. cun tamaño máximo de 15 MB e cuxo nome só inclúa letras da A a Z (maiúsculas e minúsculas), números, guión (-), guión baixo (_) excluído *Ñ, *Ç, acentos ou diéreses, e cunha única extensión (cun único punto).

Para o acceso aos servizos da OV Tributaria a través da aplicación móbil Atriga requírese dun dispositivo intelixente (smartphone, tablet, etc) con sistema operativo:

• Android 8.0 ou superior, para o caso de dispositivos baseados en Google, sendo recomendable dispoñer de Android 11 ou superior.
• iOS 12 ou superior, para o caso de dispositivos baseados en Apple, sendo recomendable dispoñer de iOS 15 ou superior.

Ademais, e se o precisa, o usuario debe:

• Ter instalado un visor de documentos PDF para poder visualizar e cubrir correctamente os documentos publicados no devandito formato.
• Se fose necesario achegar algún documento, este deberá axustarse a formatos .pdf, .jpg e .jpeg. cun tamaño máximo de 15 MB e cuxo nome só inclúa letras da A a Z (maiúsculas e minúsculas), números, guión (-), guión baixo (_) excluído Ñ, Ç, acentos ou diéreses, e cunha única extensión (cun único punto).

Requisitos de uso dos servizos de tramitación

No momento de empregar determinados servizos de tramitación é posible que se lle requira o uso do DNI electrónico ou dun certificado dixital ou outros servizos admitidos pola Axencia Tributaria de Galicia, como Chave365, que permitan garantir a súa identificación.

Pode solicitar gratuitamente a emisión dun certificado dixital da Fábrica Nacional de Moeda e Timbre – Real Casa da Moeda (FNMT-RCM) seguindo as instrucións que lle ofrecen nas súas páxinas.

Requisitos técnicos específicos da OVT explotada a través dun computador persoal con navegador web

Nos procedementos e pagos telemáticos que requiran da realización de firmas electrónicas, débense ter en conta os seguintes requisitos técnicos específicos:

• Sistemas operativos soportados
  • Windows 10 ou superior, non está garantida a compatibilidade para versións de Windows previas á mencionada.
  • Mac OS XII (Monterrey) ou superior, non está garantida a compatibilidade para versións de Mac VOS previas á mencionada.